Millətə bir kəlmə sözləri həbdi
Özləri tapammır dərmansa,həbsə
Aynatək milləti göstərib ancaq
Atılıb zindana,atılıb həbsə
Aynaya şairlər möhtac qalırlar
===========================
===========================
Bir söznən yüz könül ovlaya bilir
Bir söznən yüz oğul ürəkləndirib
Bir söznən milləti döyüşə çəkib
Bir söznən milləti zirehləndirib
Köynəyə şairlər möhtac qalırlar
============================
Kim görüb kiməsə əlini aça
Baxma ki daş kəsək dizini açıb
Torpağın açılan gözünü tutub
Millətin tutulan gözünü açıb
Eynəyə şairlər möhtac qalırlar
